Gjatë vizitës tuaj, lutemi të respektoni Rregulloren e funksionimit të Qendrës së Konsultave Ambulatore.

• Orari i fillimit të konsultave: 10.00-14.00
• Orari i marrjes së mostrave biologjike për analiza laboratorike: 7.30 – 11.30.

Rekomandohet që të mos keni ngrënë asgjë 10 orët e fundit para marrjes së analizave të gjakut, me përjashtim të ujit. Pacientët me diabet duhet të konsultohen me mjekun kurues.

• Përgjigjia e analizave merret tek zyra e informacionit pas orës 14.00 (sipas afatit të përcaktuar në fletën e dhënë nga laboratori, pas marrjes së materialit për analizë).

I NDERUAR PACIENT!

Lutemi të ndiqni udhëzimet e stafit tonë si mëposhtë vijon:

• Të gjithë pacientët që paraqiten në QKA duhet të kenë planifikuar më parë vizitën apo ekzaminimin që kërkohet, bazuar në rekomandimin e mjekut.
• Respektoni oraret tuaja të planifikimit (mjafton të paraqiteni 15 min. më parë).
• Gjatë  hyrjes në QKA, lutemi të tërhiqni numrin tuaj rendor dhe drejtohuni në sportel për t‘u regjistruar. Paraqisni në recepsion të gjithë dokumentat e kërkuara që të përfitoni FALAS vizitën tuaj.
• Për të kryer konsultën duhet të jetë i pranishëm vetë pacienti (jo familjarët).
• Qëndroni në hollet e përcaktuara të pritjes deri sa të vijë rradha juaj e konsultës.
• Ndalohet qëndrimi në qendër i familjarëve, me përjashtim të rasteve kur shoqërimi i pacientëve është i domosdoshëm.
• Në rast nevoje, kërkoni ndihmë tek koordinatorët tanë. Dëgjoni me kujdes këshillat e personelit mjekësor apo administrativ.
• RUANI QETËSINË DHE AMBIENTIN!

Pacientët që paraqesin urgjencë mjekësore, duhet të drejtohen pranë shërbimeve të Urgjencave të QSU “Nënë Tereza”, ku do të marrin trajtimin e duhur. Ky shërbim ofrohet për të gjithë qytetarët 24 orë pa ndërprerë dhe papagesë.